Albums - Bernie and Pod

Our Music

Helwa tal-Ghageb

Ilmaħtek fil-bogħod titbissem fil-kwiet
tidħakli bis-serqa, saħħartni bis-skiet
imfawwar bil-ġmiel
bħall-ġamar fil-lejl
dak il-wiċċ

Int ġawhra tad-dinja f’ħajti twelidt
bħal djamant mill-isbaħ, li fl-aħħar jien sibt
bit-tjieba u bl-għożża
int l-aqwa ġojjell
ta’ kull żmien

Ħelwa tal-għaġeb
idħakli fis-skiet
fl-imħabba urini
li tħobbni bla tmiem

Int fjura mill-isbaħ, kulur fjurit
li tfewwaħ u ssebbaħ qlub imsewdin
twarrad f’Rebbiegħa
int l-isbaħ għalija
b’dak il-ġmiel

Bexxaqtli xofftejk u ħmaru ħaddejk
ħallejtni nintilef fil-ħarsa t’għajnejk
f’dan in-namur
inħoss li int żgur
il-futur

Ħelwa tal-għaġeb
idħakli fis-skiet
fl-imħabba urini
li tħobbni bla tmiem

Song Recorded, Produced and Mixed by Kenny D'Ugo at Beehive Productions

Video Directed, Filmed and Edited by Zepp Gauci Short Film & Web Design Studio

Music & Lyrics written by Bernie and Pod, Wayne Farrugia

Int u Jien dal-Milied

Niftakar fi tfuliti
f’dawk il-ġranet tal-Milied
kulħadd kien ferħan bi ħġaru
ħalli nżejnu l-klassijiet

Mill-iskola għad-duttrina
forsi nirbħu xi bambin
wara ġirja għal għand in-nanna
biex tagħtina biskuttin

Imma llum għadda ftit żmien
it tfulija għaddiet riħ mingħajr waqfien,
il-Milied jiġi kull sena
x’valur għandu fost il-ġemgħa?
Kun int li tnissel l-għaqda f’dal-Milied

Abbatini lkoll niltaqgħu
għall-quddiesa tal-Milied
wieħed minna jgħid il-prietka,
il-bqija nisimgħu fis-skiet

Wara lura d-dar ninġabru
tazza te u xi pudina
imbagħad wara taħt is-siġra
naraw x’rigali ser jagħtina

Imma llum għadda ftit żmien
it tfulija għaddiet riħ mingħajr waqfien,
il-Milied jiġi kull sena,
għal xi wħud iqabbeż demgħa,
Kun int li tnissel l-ferħ f’dal-Milied!

Illum kbirna u ż-żmien għadda
ħadd ma jerġa’ jġib iż-żmien,
it-tfulija tal-imħabba
qisha fjura fl-isbaħ ġnien.

Iżda f’qalbna nibqgħu ngħożżu
l-memorji u d-drawwiet
żmien li jibqa’ jgħix ġo qalbna
żmien li jnessi kull inkwiet

Imma llum għadda ftit żmien
it tfulija għaddiet riħ mingħajr waqfien,
f’dan iż-żmien tal-Milied
insa l-firda u insa l-ġlied,
kun int li tnissel l-għaqda f’dal-Milied!

Flimkien….Dal-Milied
Int u jien….Dal-Milied
Flimkien…Dal-Milied
Ningħaqdu lkoll…Dal-Milied

Song Recorded, Produced and Mixed by Kenny D'Ugo at Beehive Productions

Video Directed, Filmed and Edited by Zepp Gauci Short Film & Web Design Studio

Music & Lyrics written by Bernie and Pod, Wayne Farrugia

Qum, dur u iżfen

Int li ddawwal lejl mudlam,
int li ħajti mlejt u d-dwejjaq sar duħħan,
sakemm hawn int, noħlom ma nixba’ qatt,
sakemm hawn inti f’ħajti, żgur ma jidħol ħadd.

U issa qum, dur, iżfen u
dawwarni ma’ dar-ritmu
li jwassalna kullimkien
b’idek f’idi int u jien.

U erġa’ dur, dur għax dan hu ż-żmien
li nuru d-dinja kollha
li l-imħabba l-isbaħ fjur
li timla l-ħajja kull kulur…iżfen u dur.

Int li dewwaqtni dan il-ġmiel,
int li tħares biss biex kuntent inkun jien,
sakemm hawn int, inħossni ffortunat,
int kewkba li mis-sema, spiċċajt hawnhekk fl-art.

U issa qum, dur, iżfen u
dawwarni ma’ dar-ritmu
li jwassalna kullimkien
b’idek f’idi int u jien.

U f’dan iż-żmien li sirna ta’ xulxin,
inti tiegħi u jien tiegħek għal dejjem magħqudin.

U issa qum, dur, iżfen u
dawwarni ma’ dar-ritmu
li jwassalna kullimkien
b’idek f’idi int u jien.

U erġa’ dur, dur għax dan hu ż-żmien
li nuru d-dinja kollha
li l-imħabba l-isbaħ fjur
li timla l-ħajja kull kulur…iżfen u dur.

Music & Lyrics written by Bernie and Pod Song

Recorded, Produced and Mixed by Matteo Make Music

Video Directed, Filmed and Edited by Zepp Gauci Short Film & Web Design Studio

Nieqaf Ftit

Nqum imkisser wara lejl
mitluf f’ħafna ħsibijiet
ħsibijiet li saru stejjer
moħħi mimli vuċijiet

U kif ħa nibda dil-ġurnata
wara lejl mingħajr mistrieħ
kollox kontra qiegħed nara
jonfoħ kontra dan ir-riħ

Hemm bżonn li nieqaf ftit u nieħu nifs fil-fond
u jekk hemm bżonn is-salib inrodd
hemm bżonn li nieqaf ftit, nieqaf kemm hemm bżonn
mimdud rasi fuq imħadda nsejt xi jfisser il-ħolm

Nixtieq ngħix dil-ħajja u ninsa
ninsa l-mistoqsijiet, biex niffranka t-tweġibiet
nixtieq ngħix dil-ħajja u ninsa
li nitbissem ftit illum saret rari b’dir-rutina ta’ kuljum

Iżda faċli mhuwa xejn
qed ninġibed mal-kurrent
xbajt nissielet u nitħabat
forsi nidher ftit kuntent

U nħossni li nsejt
jien min jien, xi darba x’kont
nwaħħal f’ta’ madwari u tiegħi qatt mhu tort

Hemm bżonn li nieqaf ftit u nieħu nifs fil-fond
u jekk hemm bżonn is-salib inrodd
hemm bżonn li nieqaf ftit, nieqaf kemm hemm bżonn
mimdud rasi fuq imħadda nsejt xi jfisser il-ħolm

Nixtieq ngħix dil-ħajja u ninsa
ninsa l-mistoqsijiet, biex niffranka t-tweġibiet
nixtieq ngħix dil-ħajja u ninsa
li nitbissem ftit illum saret rari b’dir-rutina ta’ kuljum

Forsi ngħix, forsi nħobb
forsi ħajti nagħtiha skop
forsi ngħix u mhux neżisti
ngħid li nħoss u mhux li nistħi
kemm nixtieq konna għadna żgħar
fejn il-ħin ma tarahx sar
nixtieq forsi ngħix normali
iżda nistaqsi hijiex reali
nixtieq ngħix dil-ħajja u ninsa

Nixtieq ngħix dil-ħajja u ninsa

Nixtieq ngħix dil-ħajja u ninsa
Ninsa l-mistoqsijiet, biex niffranka t-tweġibiet
nixtieq ngħix dil-ħajja u ninsa
li nitbissem ftit illum saret rari b’dir-rutina ta’ kuljum

Music & Lyrics written by Bernie and Pod Song

Recorded, Produced and Mixed by Matteo Make Music

Our Music

Sponsors